Ózbekstanda tanysyn Túrkııaǵa jezókshelikpen aınalysýǵa jiberip jatqan áıel ustaldy

TAShKENT. KAZINFORM - Tashkent oblysy ІІBB (ishki ister bas basqarmasy) jedel ýákilderi Ohangaron qalalyq MQQ qyzmetkerlerimen birlesip ótkizgen kezekti jedel is-shara barysynda taǵy bir áıeldiń adam saýdasy qurbanyna aınalýynyń jolyn kesti, dep habarlaıdy Tashkent oblysy ІІBB baspasóz qyzmeti. 

Jedel is-sharada Ohangaron qalasynda turatyn 2002 jyly týǵan áıel (H.T.) ońaı jolmen aqsha tabý maqsatynda ózi tanıtyn 2004 jyly týǵan áıeldi (Z.O.) aldap, qomaqty aqsha tabatynyna sendirip, Tashkent halyqaralyq áýejaıy arqyly Túrkııanyń Stambýl qalasyna jezókshelikpen aınalysýǵa jóneltý kezinde aıǵaqtarmen ustaldy.

Áıeldi Stambýlda Túrkııa azamattary kútip alýy kerek bolyp shyqty.

Ustalǵan áıelge qatysty ÓR Qylmystyq kodeksiniń 135-baby (adam saýdasy) boıynsha qylmystyq is qozǵaldy. Tergeý amaldary júrgizilýde.

Eske sala keteıik, Ózbekstanda súıgen jigitin pyshaqtaǵan qyz sottalǵany jaıly jazǵan edik.