Ózbekstanda taksı qyzmetin kórsetý úshin lıtsenzııa alý kerek
ASTANA. QazAqparat - Ózbekstanda 2018 jyldan bastap jeke tulǵalar jeke kásipker retinde tirkelgen kezde taksı qyzmetin kórsetýge ruqsat berý qarastyrylýda, dep habarlaıdy Trend .
Bul týraly Ózbekstan premer-mınıstriniń orynbasary-qarjy mınıstri Djamshıd Kýchkarov Senat otyrysynda málim etti.
Jańa ereje jolaýshylar sany tórt adamnan aspaıtyn avtomobılderge qatysty bolmaq.
Sondaı-aq, azamattarǵa taksı qyzmetin kórsetý úshin lıtsenzııa alý mindetteledi.
Qazirgi tańda tek zańdy tulǵalar ǵana kommertsııalyq negizde avtomobıl kóligimen jolaýshylar tasymaldaýmen aınalysyp jatyr.
