Ózbekstanda súıgen jigitin pyshaqtaǵan qyz sottaldy

TAShKENT. KAZINFORM - Qyz ben jigit arasyndaǵy romantıkalyq qarym-qatynas 2019 jyldan beri jalǵasyp kele jatqany belgili boldy. Qos ǵashyq bıyl 23-mamyrda saǵat 19:30 shamasynda jigittiń kóliginde kezdesken, dep habarlaıdy Kazinform Uznews.uz saıtyna silteme jasap. 

Kezdesýde jigit qyzdy ala almaıtynyn, basqa qyzǵa úılenetinin, ata-anasy kelisse, keıin ekinshi áıeldikke alatynyn aıtady. Osy kezde jas jigit uıaly telefonynan úılenetin qyzynyń sýretin kórsetedi. Qyz ashýlanyp, kólikte turǵan ashana pyshaǵyn jigitke 4 ret suǵyp alǵan.

Jas jigit alǵan jaraqatyna baılanysty aýrýhanaǵa jatqyzyldy.

Jaǵdaıǵa qatysty sot isi Qarshı qalalyq Qylmystyq ister boıynsha sotynda qaraldy.

Sot úkimimen aıyptalýshy qyz Ózbekstan Qylmystyq kodeksiniń 104-babynyń 2-bóliginiń «l» tarmaǵynda kórsetilgen qylmysty jasaǵany úshin kináli dep tanylyp, QK-niń 57-babyna sáıkes 3 jyl 11 aıǵa bas bostandyǵy shekteldi.

Eske sala keteıik, Tashkentte jalǵan 1400 dollardy bankomatta aıyrbastaǵan adamdar ustalǵany jaıly jazǵan edik.