Ózbekstanda stýdentter men oqýshylar onlaın oqýǵa kóshti

TAShKENT. ÓzA – QazAqparat - Ózbekstanda joǵary oqý oryndary men mekteptegi sabaqtar bir aı boıy onlaın formatqa aýystyryldy, dep habarlaıdy QazAqparat ÓzA agenttigine silteme jasap.

Halyqqa bilim berý mınıstrligi 24 qańtardan bastap mektepter bir aı boıy onlaın rejımde jumys isteıtinin málimdedi.

«Densaýlyq saqtaý mınıstrligi men Sanıtarlyq-epıdemıologııalyq qoǵamdyq densaýlyq saqtaý qyzmetiniń balalar men jastar arasynda koronavırýs ınfektsııasynyń jańa shtamynyń taralýyn boldyrmaý jónindegi usynymdary negizinde 24 qańtardan bastap bir aı boıy mektepterde oqý protsesi onlaın rejımde júrgiziledi.

Oqýshylar úshin qashyqtyqtan oqý kezinde sapaly bilim alýy Ulttyq teleradıokompanııa men «Onlaın mektep» telegram-kanaly arqyly júzege asyrylady. «Onlaın mektep» jobasy boıynsha sabaq kestesi kún saıyn «Onlaın mektep» telegram kanaly arqyly jarııalanady», delingen habarda.

Budan bólek, eldegi joǵary oqý oryndarynda da sabaqtar bir aı boıy onlaın rejımde ótetin boldy.