Ózbekstanda Sputnik V vaktsınasyn tirkeý protsesi júrgizilýde
TAShKENT. ÓzA – QazAqparat - Ózbekstan aýmaǵyna koronavırýstyń kirip kelýi men taralýyn boldyrmaý jáne is-sharalar baǵdarlamasyn daıyndaý jónindegi Respýblıkalyq arnaıy komıssııa, Reseıdiń Sputnik V vaktsınasyn el aýmaǵynda sertıfıkattaý jáne tirkeý protsesin bastaýdy maquldady. Bul týraly QazAqparat ÓzA agenttigine silteme jasap habarlaıdy.
Arnaıy komıssııa aqparatynda, Sanıtarlyq-epıdemıologııalyq qyzmetine Ózbekstanda koronavırýstyq ınfektsııaǵa qarsy vaktsınatsııalaýdyń algorıtmi men jeke rásimin jasaý tapsyrylǵan. Bul protses asynda ıaǵnı koronavırýstyq ınfektsııaǵa qarsy vaktsınatsııa tek erikti túrde júrgizilýi kerektigi aıtlyp, eń aldymen, koronavırýstyq aýrý juqtyrý qaýpi joǵary bolǵan kelesi adamdardy vaktsınatsııalaý kerektigi kórsetilgen:
- 65 jastan asqan qarttar men egde jastaǵy azamattar;
- sozylmaly aýrýlary bar adamdar;
- medıtsına qyzmetkerleri;
- mektep pen mektepke deıingi mekemeler men joǵary oqý oryndarynyń qyzmetkerleri;
- halyqpen tikeleı baılanysta bolatyn quqyq qorǵaý organdarynyń qyzmetkerleri.
Sonymen qatar, Respýblıkalyq arnaıy komıssııanyń 2020 jylǵy 21 jeltoqsandaǵy sheshimine sáıkes Germanııamen áýe reısterdiń toqtatylýyna qoıylǵan (tranzıttik reıstermen respýblıkaǵa kirý, shyǵý jáne kirý) shekteý alynyp tastaldy.
Eske salsaq, buǵan deıin Ózbekstan aýmaǵynda qytaılyq ZN2001 koronavırýstyq vaktsınasynyń úshinshi klınıkalyq synaqtary ótip jatqany týraly habarlaǵan bolatynbyz.
