Ózbekstanda «Spýtnık V» vaktsınasyn qoldanýǵa ruqsat berildi
TAShKENT. ÓzA – QazAqparat. Ózbekstanda «Spýtnık V» vaktsınasyn qoldanýǵa ruqsat berildi. Bul týraly QazAqparat ÓzA silteme jasap habarlaıdy.
Reseıdiń Gamaleıa ǵylymı-zertteý ortalyǵy jasaǵan «Spýtnık V» vaktsınasyn Ózbekstanda qoldanýǵa ruqsat berildi.
Respýblıkalyq arnaıy komıssııa málimetinde, «Spýtnık V» vaktsınasy klınıkalyq synaqtardyń úshinshi kezeńiniń nátıjeleri boıynsha Ózbekstanda sertıfıkattaýdan ótkizip jappaı qoldanýǵa maquldanǵany týraly habarlandy.
Qazirgi ýaqytta osy vaktsınanyń 1 mln dozasyn satyp alý boıynsha sharalar qabyldanýda, - delingen.
Eske salsaq, Ózbekstanda qytaılyq ZF 2001 vaktsınasynyń úshinshi klınıkalyq synaǵy sátti ótýde. Elde jappaı vaktsınalaý naýryzda bastalmaq.
