Ózbekstanda sońǵy 80 jylda bolmaǵan ystyq bolyp tur

TAShKENT. ÓzA - QazAqparat - Ózbekstanda aýa temperatýrasy 46 gradýsqa deıin ysıtyny boljanýda, dep habarlaıdy QazAqparat ÓzA silteme jasap.

Gıdrometeorologııa ortalyǵy «Ýzgıdromettiń» habarlaýynsha, 2021 jyldyń 3-7 maýsymy aralyǵynda Iran aýmaǵynan Ózbekstanǵa ystyq aýanyń kelýine baılanysty temperatýra kóteriledi dep kútilýde.

Kúndiz aýa temperatýrasy 40-43 gradýsqa deıin, ońtústikte jáne shóldi aımaqtardyń keıbir jerlerinde 44-46 gradýsqa deıin kóteriledi.

Eske salsaq, osy aptanyń basynda Ózbekstanda sońǵy 80 jyl ishinde absolıýtti maksımal temperatýra baıqalǵan bolatyn. Saldarynan Tashkent metrosynyń jer ústi jelisindegi poıyzdar jyldamdyǵy shekteldi.