Ózbekstanda shildedegi aptap ystyq absolıýtti rekordqa jetti
TAShKENT. QazAqparat – Ózbekstanda shildeniń aıaǵynda tirkelgen aptap ystyq kórsetkishi meteobaqylaý tarıhyndaǵy temperatýralyq maksımým rekordyna jetti, dep habarlaıdy QazAqparat menshikti tilshisi.
Ózgıdromettiń málimetinshe, 22-23 shilde kúnderi Ózbekstannyń birneshe óńirinde aýa temperatýrasynyń rekordy jańarǵan.
22 shildede absolıýtti temperatýralyq rekordtar Horezm oblysynyń Týıamýıýninde (+ 47,5 gradýs) jáne Navoı oblysynyń Úshqudyǵynda (+ 46,3) belgilendi. Aldyńǵy rekordtar 2021 jyly sáıkesinshe +46,1 jáne +46,2 gradýs deńgeıinde tirkelgen endi.
Sol kúni Núkiste temperatýra rekordtyq +43,7 gradýsqa deıin kóterildi (2018 jylǵy aldyńǵy rekord - 42,2 gradýs). Aýa baǵamy Úrgenshide - 45,4 gradýs (1973 jyly +41,4 gradýs bolǵan), Buqarada - 45,8 gradýs (2018 jyly +44,7 gradýs), Ándijanada - 40,7 gradýs (1948 jyly +40,1 gradýs) kórsetti.
23 shildede Tashkentte aýa temperatýrasy +42,8 gradýsqa deıin kóterilip, 2018 jylǵy rekordtyq kórsetkishten (+42,2 gradýs) asyp tústi.
Sınoptıkter meteorologııalyq baqylaýlar tarıhynda Ózbekstandaǵy eń joǵary temperatýra (+50°) 1944 jyldyń shildesinde Qyzylqum shólinde jáne Termez qalasynda tirkelgenin atap ótti.
Buǵan deıin habarlanǵandaı, úsh kún ishinde Ózbekstanda aptap ystyq saldarynan 4 myńnan astam adam aýrýhanaǵa tústi.
