Ózbekstanda shıkizat ımporttaýdaǵy irkilisten dızel men mazýt óndirý jospary oryndalmady
TAShKENT. KAZINFORM — «Ózbekmunaıgaz» kompanııasy birinshi jartyjyldyqtyń qorytyndysyn shyǵardy, dep habarlaıdy Kazinform agenttiginiń Tashkenttegi menshikti tilshisi.
Jıynda málim bolǵandaı, 2025 jyldyń qorytyndysy boıynsha kompanııanyń qaryz júktemesi tómendegen. Buǵan tıimdi sharttarmen qaıta qarjylandyrý jáne tartylǵan joǵary paıyzdy nesıelerdi merziminen buryn óteý yqpal etti. Sonyń nátıjesinde kompanııa paıyzdyq tólemder boıynsha 219 mlrd sým ($18,2 mln) únemdep, jyl basymen salystyrǵanda debıtorlyq bereshekti 1,2 trln sýmǵa ($99,8 mln) qysqartty.
Sonymen qatar byltyr alǵashqy alty aıdy 14 kásiporyn 36,5 mlrd sým ($3 mln) shyǵynmen qorytyndylasa, bıyl kerisinshe kompanııalar 5,4 mlrd sým ($449 myń) paıda tapty.
Buǵan qosa, jıynda birqatar másele kóterildi. Geosaıası jaǵdaıǵa baılanysty shıkizat ımporty shekteldi. Onyń saldarynan dızel men mazýt óndirý josparlary tolyq oryndalmady. Endi kompanııa mejeli kórsetkishke jyl sońyna deıin qol jetkizýdi josparlap otyr.
Eske salaıyq, bıyl Ózbekstanda qańtar-mamyr aralyǵynda tabıǵı gaz, munaı jáne kómir óndirisi tómendedi.
Sondaı-aq, jyl basynan beri Ózbekstan gaz ımportyn 84% arttyrdy.
