Ózbekstanda sheteldikter men mıgranttarǵa VICh-ke mindetti testileý engizilmek

ASTANA. KAZINFORM – Ózbekstanda VICh ınfektsııasyna mindetti testileý engizýdi qarastyratyn zań jobasy talqylanyp jatyr, dep jazdy Kazinform agenttiginiń tilshisi. 

Bul shara shetelde uzaq ýaqyt bolǵannan keıin elge oralatyn Ózbekstan azamattaryna, sondaı-aq respýblıka aýmaǵynda turaqty turatyn shetel azamattary men azamattyǵy joq adamdarǵa qatysty bolmaq.

Qujatqa sáıkes, 90 kúnnen astam ýaqyt elden tys jerlerde bolǵan 18 ben 60 jas aralyǵyndaǵy azamattar mindetti medıtsınalyq tekseristen ótýge tıis bolady.

Osyǵan uqsas talaptar Ózbekstanǵa turaqty nemese uzaq merzimdi turý úshin kelgen sheteldik jumysshylar men ózge de adamdarǵa da qatysty bolady.

Zań jobasynyń bastamashylary mundaı ózgeristerdi engizýdiń qajettiligin juqpaly aýrýlardy, sonyń ishinde VICh ınfektsııasyn ýaqtyly anyqtaýǵa degen umtylys dep túsindiredi. Bul bastamanyń qolǵa alynýyna eńbek mıgratsııasynyń aýqymynyń keńeıýi men elge keletin shetel azamattarynyń sanynyń artýy túrtki bolǵan.

Eger bul zań jobasy qabyldansa, Ózbekstan VICh ınfektsııasynyń taralýyn baqylaý boıynsha osyndaı sharalar qabyldanǵan elderdiń qataryna qosylady.

Buǵan deıin SQO-da VICh juqtyrǵan myńnan astam adam esepte turǵanyn jazǵan edik.