Ózbekstanda sheteldikterdi tirkeý tártibi alynyp tastalady
TAShKENT. QazAqparat – Ózbekstan óz aýmaǵynda sheteldikterdi tirkeý tártibin alyp tastaýdy josparlap otyr, dep habarlaıdy QazAqparattyń menshikti tilshisi.
Sonymen, SOVAZ memlekettik portalynda jarııalanǵan (Ózbekstan Respýblıkasynyń normalyq-quqyqtyq qujattaryn talqylaý) prezıdent jarlyǵynyń jobasyna sáıkes, 2020 jyldyń 1 shildesinen bastap Ózbekstanǵa 30 kúnge deıingi merzimge kelgen sheteldik azamattar men azamattyǵy joq adamdardy tirkeý tártibi joıylady.
Sheteldikterdiń kelip-ketýin baqylaý memlekettik shekaradan ótken kezde mindetti sanalatyn týrıstik salyqtyń tólengenin tekserý jolymen júzege asyrylady. Osyǵan baılanysty, barlyq tekserý-ótkizý beketterinde valıýta aıyrbastaý jáne týrıstik salyqty tóleý úshin pýnktiler qurylady.
Esterińizge sala keteıik, qoldanystaǵy standarttarǵa sáıkes, sheteldikter Ózbekstan shekarasynan ótken kúnnen bastap bes kún ishinde eldiń ishki ister organdarynda tirkeýden ótýi kerek.
Buǵan deıin Qazaqstanda da osyndaı sharalar qabyldanǵan bolatyn. Sonymen, bıylǵy qazan aıynda Qazaqstan Respýblıkasynyń Prezıdenti Qasym-Jomart Toqaev sheteldik azamattardy mindetti tirkeýdi alyp tastaý jóninde buıryq berdi. Qazaqstan Respýblıkasy Prezıdentiniń aıtýynsha, sheteldik qonaqtardyń shekaralyq baqylaýdan ótýiniń ózi tirkeýge jatady.
Avtor: Mıras Qýandyqov
