Ózbekstanda shetel valıýtasyna qatysty tártipter jeńildetilmek
TAShKENT. QazAqparat - 2018 jyldyń 1 qańtarynan bastap Ózbekstanda shetel valıýtasyna qatysty jańa tártip engizilmek, dep habarlaıdy «QazAqparat» HAA menshikti tilshisi.
Ózbekstanda 2018 jyldan bastap 2 myń AQSh dollarynan aspaıtyn somada jeke tulǵalardyń qolma-qol shetel valıýtasyn ákelýi jáne syrtqa shyǵarýy týraly jazbasha túrdegi mindetti deklaratsııalaý tártibi ózgertiledi.
Tıisti jarlyqqa 6 jeltoqsanda Ózbekstan prezıdenti Shavkat Mırzıeev qol qoıdy.
Jarlyqqa sáıkes, kelesi jyldan bastap kommertsııalyq bankterdiń jeke tulǵalardyń qolma-qol shetel valıýtasyn Ózbekstannan tys jerlerge alyp shyǵýyna ruqsat berýi joıyldy. Endi jeke tulǵalar 5 myń AQSh dollary kóleminde nemese odan aspaıtyn somadaǵy qolma-qol shetel valıýtasyn ruqsatsyz alyp óte alady.
Bul rette rezıdentter belgilengen somadan kóp aqshany syrtqa alyp shyǵý úshin Ózbekstan Ortalyq bankiniń ruqsatyn alýy tıis. Al, rezıdent emes tulǵalardyń syrtqa alyp ótetin qarjysynyń somasy Ózbekstan Respýblıkasyna kirý kezinde toltyrylǵan jolaýshy kedendik deklaratsııasynda kórsetilgen somadan az bolmaýy tıis.
Ózbekstan Respýblıkasyna jeke tulǵalardyń qolma-qol shetel valıýtasyn ákelýine eshqandaı shekteý joq.
