Ózbekstanda shahtada tas basyp qalǵan er adam qaza tapty

Ándijan oblysynyń Býloqbashy aýdanyndaǵy shahtada 46 jastaǵy er adamdy tas basyp qaldy. Saldarynan ol oqıǵa ornynda kóz jumdy, dep habarlaıdy Kazinform Gazeta.uz saıtyna silteme jasap.

25 qarashada Ándijan oblysy Býloqbashy aýdanyndaǵy shahtada jumys isteıtin 46 jastaǵy er adam abaısyzdyqtan kóz jumdy. Bul týraly ÓR Bas prokýratýranyń baspasóz qyzmeti habarlady.

Oqıǵa tańǵy saǵat 10:00-de «Muhammed Tosh» shahtasynda bolǵan. Qazba jumystaryn júrgizip jatqan er adamnyń ústine abaısyzda tas domalap túsip, janshyp ótken. Saldarynan ol sol jerde kóz jumdy.

Marqumnyń áıeli men eki balasy bolǵan. Qazir aýdandyq ІІB tergeý bólimi tergeý amaldaryy júrgizip jatyr.