Ózbekstanda Sevara men Nargızden asatyn ánshiler endi tanyla bastaıdy
TAShKENT. QazAqparat - Elge tanymal «Daýys»/»The Voice» jáne «Juldyzdar fabrıkasy» syndy shoý jobalar endi Ózbekstanda da qolǵa alyndy, dep jazady Sayyod.com.
Endi Reseı men Qazaqstanda tanymal bolǵan ózbekstandyq Sevara men Nargızdiń jetistigin qaıtalap, tipti odan da asyrǵysy keletin jergilikti daryndylar otandyq sahnada baǵyn synamaq. Saıttyń málimetine súıensek, Ózbekstannyń Premer-mınıstri Shavkat Mırzııaevtiń bıyl 14 tamyzdaǵy qaýlysymen qurylǵan jastardyń mádenıet jáne óner ortalyǵy qyzmetine kirisken. Búginde «Etırof» («Moıyndaý») rásimin uıymdastyrýymen aınalysqan ortalyqtyń aldaǵy jylǵa belgilegen jospary kóp. Ortalyq mamandarynyń aıtýynsha, jastardyń sheteldiń mýzykalyq shoýyna degen qyzyǵýshylyǵy endi arman emes, óıtkeni ondaı jobalar óz elinde de paıda bolady. Aıta ketý kerek, Ózbekstannyń eki ánshisi - Sevara Nazarhan men Nargız Zakırova 2012 jáne 2013 jyldary reseılik Birinshi arnadaǵy «Daýys» jobasynda aqtyq kezeńge deıin jetti.
