Ózbekstanda saılaý aldy tynyshtyq kúni ornady
ASTANA. QazAqparat - Ózbekstanda daýys berýge bir kún qalǵanda saılaýaldy úgit-nasıhat naýqany toqtatyldy, dep habarlaıdy gazeta.uz.
Ózbekstanda Prezıdenttikke úmitkerlerdiń saılaýaldy naýqany toqtatylyp, «únsizdik kúni» ornady. 4 jeltoqsan kúni bolatyn daýys berýge bir kún qalǵanda, ıaǵnı 3 jeltoqsan saǵat 00:00-de BAQ jáne basqa da quraldardy paıdalanatyn saılaýaldy naýqanyn júrgizýge tyıym salynǵan.
Bılik «únsizdik kúnine» deıin úmitkerlerdiń jarnamalaryn alyp tastaýdy mindetteıdi: úgitteıtin baspa materıaldary, paraqshalar men plakattar. Tek Ortalyq saılaý komıssııasynyń úmitkerlerdiń ómirbaıany jazylǵan aqparattyq materıaldarǵa ruqsat etilgen, sebebi ol saılaýaldy úgit-nasıhatqa esh qatysy joq dep tanylǵan.
Tynyshtyq kúni úmitkerlerdiń saılaý ýchaskelerine baryp, daýys berýge shaqyrýlaryna jol berilgen.
