Ózbekstanda salmaǵy 6 tonnadan astam palaý daıyndaldy
ASTANA. QazAqparat -Ózbekstanda salmaǵy eń úlken palaý daıyndaldy. Sarapshylar kýá bolǵan taǵamnyń rekordtyq salmaǵy 6 tonnadan asty, dep jazdy gazeta.uz.
Basylym málimetinshe, palaý Tashkent oblysynyń Almalyq qalasynda pisirilgen. Ol dıametri 4,2 metr qazanda daıyndaldy, kólemi shamamen 8 myń lıtrlik qazan osy shara úshin Almalyq taý-ken metallýrgııalyq kombınatynda arnaıy quıylǵan. Qazannyń jalpy salmaǵy 7 070 kg, tereńdigi 1 metrdi quraıdy. Qazan ornatylǵan oshaq shamamen 3 tonnany quraıdy.
Sondaı-aq palaýdyń ázirlenýine 826 kg sıyr eti, 825,5 kg qoı eti, 195 kg qoı maıy jáne 1650 kg kúrish jumsalǵan. Buǵan qosa, 2400 keli sábiz, 185 keli pııaz, 350 lıtr ósimdik maıy jáne 480 kg tuz qoldanyldy. Munyń bárine 4,5 kg zıre tuqymy, 165 kg bórikaraqat, 90 kg asburshaq jáne 3 kg qara burysh qosyldy.
Palaýdy pisirý úshin Ózbekstannyń túkpir-túkpirinen 50-den astam belgili aspazdar jınaldy.
Daıyn palaý shara qonaqtary men 22 myńnan astam Almalyq turǵyndaryna úlestirildi.
Álemdik rekord ornatý jáne ony Gınnestiń rekordtar kitabyna engizý sharasy resmı túrde 8 qyrkúıek kúni ótedi.
