Ózbekstanda salynatyn AES-tiń quny 9,5 mlrd dollardan aspaıdy
TAShKENT. KAZINFORM – Ózbekstanda ıntegratsııalanǵan AES-ti salýǵa 9,5 mlrd dollar jumsalady. Bul týraly nysan boı kóteretin Jızaq oblysynda ótken baspasóz maslıhatyndy Uzatom agenttiginiń dırektory Azım Ahmedhadjaev málim etti, dep habarlaıdy Kazinform agenttiginiń Tashkenttegi menshikti tilshisi.
Vedomstvo basshysynyń málimetinshe, jobanyń quny bıyl 24 naýryzda qol qoıylǵan kelisimshartta aıqyndalǵan. Alaıda bul somaǵa AES-ke qajetti jabdyqtardy Ózbekstanda óndirý úshin kásiporyn qurý jumystary kirmeıdi.
- Biz qol qoıǵan kelisimshartqa sáıkes, jobanyń bazalyq quny 9,5 mlrd dollar. Bul - eń shekti soma, - dedi Azım Ahmedhadjaev.
Ol atap ótkendeı, qurylysty qarjylandyrý úshin Ózbekstan taıaýda BRIKS Jańa damý bankimen kelissózder júrgizedi. Bul uıym jobaǵa qatysýǵa nıet bildirdi. Sonymen qatar ózge de eldermen kelissóz júrip jatyr.
Buǵan deıin Qazaqstandaǵy alǵashqy AES-ke qansha qarajat jumsalatynyn jazyp edik.
Eske salaıyq, Ózbekstanda AES salynatyn alańda daıyndyq jumystary júrip jatyr.
Sondaı-aq, MAGATE ókilderi AES qurylysynyń barysyn baqylaý úshin bıyl Ózbekstanǵa barady.
Qosa ketsek, Ózbekstanda salynatyn AES eldiń úsh óńirin elektr qýatymen qamtamasyz etedi.
