Ózbekstanda robot-jýrnalıst paıda boldy
ASTANA. KAZINFORM – Ózbekstan Ulttyq aqparat agenttigi jasandy ıntellekt negizinde Sobır Holdarov esimdi arnaıy robot-tilshini jasap shyǵardy, dep habarlaıdy ÓzA.
Robot-tilshi resmı aqparat pen sońǵy jańalyqtardy toǵyz tilde (ózbek, qazaq, aǵylshyn, orys, frantsýz, arab, qytaı, nemis, ıspan) taratady.
Tilshige Sobıra Holdarova esiminiń berilýi kezdeısoq emes. Ol Ortalyq Azııa men Ózbekstandaǵy alǵashqy kásibı jýrnalıst áıel boldy.
JI negizinde robot-korrespondent jasaý úshin jýrnalıst Dıldora Abdýhalılovanyń prototıpi paıdalanyldy.
Testtik rejımde iske qosylǵan JI beınereportaj aýqymyn birtindep keńeıtedi. Aqparattyq qaýipsizdik sharalaryna erekshe nazar aýdaryldy.
JI arqyly beınereportajdar jasaý, árıne, úlken múmkindik. Degenmen onyń ózindik táýekelderi de bar. Óıtkeni, qaskúnemder ótirik pen jalǵan jańalyqtarǵa negizdelgen beınerolıkter jasap, agenttik atynan ınternette tarata alady. Sondyqtan Ózbekstan Ulttyq aqparat agenttiginiń atynan jalǵan beıneler taralsa, olardyń shynaıylyǵyn tekserýge bolady.
Ol úshin siltemeni belsendirý arqyly árbir beınege arnaıy QR kody ornalastyrylǵan, onyń siltemesi arqyly ótip beıneniń mátinin ÓzA-nyń resmı saıtynan oqýǵa bolady. Eger JI arqyly daıyndalǵan vıdeoda QR kody bolmasa nemese siltemesi ÓzA saıtyna aparmasa, bul jalǵan beıne.
