Ózbekstanda prezıdenttikke úmitkerler tirkeldi
TAShKENT. QazAqparat – Ózbekstannyń Ortalyq saılaý komıssııasy (OSK) 9 shildede ótetin kezekten tys prezıdent saılaýyna 4 kandıdattyń resmı tirkelgenin habarlady, dep habarlaıdy QazAqparat menshikti tilshisi.
OSK-nyń sarapshy toptary partııalardyń 31 mamyrdan 2 maýsymǵa deıin kandıdattardy qoldaý úshin daýys jınaǵan paraqtaryn tekserdi. Tekserý qorytyndysy boıynsha qabyldanǵan qujatta qol jınaý paraqtary zańnamaǵa sáıkes jáne jetkilikti mólsherde ekeni aıtylǵan.
OSK-ǵa kandıdattardy tirkeý týraly túsken ótinishter negizinde prezıdenttikke mynandaı úmitkerler tirkelgen:
Halyqtyq-demokratııalyq partııadan – Ulyqbek Іlııasovıch Onoıatov;
Lıberal-demokratııalyq partııadan (ÓzLıDeP) – Shavkat Mıromonovıch Mırzıeev;
«Adolat» áleýmetitik-demokratııalyq partııasynan – Robahon Anýarovna Mahmýdova;
Ekologııalyq partııadan – Abdýshúkir Hýdoıkýlovıch Hamzaev.
«Mıllıı tıklanısh» partııasy óz kandıdatýrasyn usynýdyń ornyna Shavkat Mırzıeevtiń kandıdatýrasyn qoldaıtynyn málim etip otyr.
Osylaısha OSK sheshimimen saılaý aldyndaǵy úgit-nasıhat jumystary 7 maýsymda bastalatyn boldy. Kandıdattarǵa respýblıkalyq jáne óńirlik teleradıoarnalardan tegin efır ýaqyty men baspa basylymnan aqysyz oryn usynylmaqshy.
