Ózbekstanda Prezıdent ákimshiliginiń eks-qyzmetkerine qastandyq jasaǵandar sottaldy
TAShKENT. KAZINFORM – Ózbekstan Prezıdenti ákimshiliginiń burynǵy qyzmetkeri Komıl Allamjonovqa jasalǵan qastandyqqa qatysy bar dep aıyptalǵan 10 adamǵa sot úkimi shyqty, dep habarlaıdy Kazinform agenttiginiń menshikti tilshisi.
Qylmystyq is Áskerı sotta qaraldy. Úkimge sáıkes, 3 aıyptalýshy 23 jylǵa bas bostandyǵynan aıyryldy. Taǵy bir azamat 18 jylǵa temir torǵa qamalsa, Tashkent qalalyq Іshki ister basqarmasy basshynyń burynǵy orynbasary Donıer Tashhodjaev 7 jylǵa sottaldy.
Joǵarǵy sottyń baspasóz qyzmetinen málim etkendeı, qalǵan 5 azamatqa kinásine baılanysty túrli bas bostandyǵynan aıyrý merzimderi belgilendi.
- Keıingi 5 aıda bastan ótkergen oqıǵalar maǵan jáne meniń otbasyma ǵana aıan. Shyndyq shekteýdiń shyrmaýynan shyǵyp, aqyrynda aqıqat anyqtaldy, - dep iske qatysty pikir bildirdi Komıl Allamjonov óziniń Telegram arnasynda.
Eske salaıyq, byltyr qazanda belgisiz bireýler Prezıdent ákimshiliginiń burynǵy qyzmetkeri Komıl Allamjonov otyrǵan kólikke oq atyp, qastandyq jasaǵan bolatyn.
