Ózbekstanda Parlamenttik saılaýǵa qaıta daýys berý júrip jatyr
TAShKENT. ÝzA-QazAqparat - 2019 jyl 22 jeltoqsanda ótken Ózbekstan Respýblıkasy Joǵary Májilisiniń Zań palatasy jáne halyq Keńesi depýtattyǵyna saılaýlar nátıjesi boıynsha respýblıkalyq 25 daýys berý okrýginde qaıta saılaý ótýi jaıly OSK-nyń qarary shyqqan bolatyn. Óıtkeni ataýly okrýgterde daýys berý kórsetkishi Saılaý kodeksiniń belgilengen tártibine saı bolmaǵan, dep habarlaıdy ÓzA agenttigi.
OSK-nyń sheshimine oraı qaıta saılaý merzimi 2020 jyl 5 qańtarǵa belgilenip, búgin tańerteńnen bastap daýys berý ýaqyty bastaldy.
Eske sala kelsek, 22 jeltoqsanda ótken saılaý nátıjesi boıynsha Ózbekstan Lıberaldy-demokratııalyq partııasy eń kóp daýys jınaǵan edi. Olar usynǵan kandıdattyń 43-i Zań palatasyna depýtat bolyp, parlamentte basymdyqqa qol jetkizdi.
