Ózbekstanda parlamenttik saılaýǵa 517 kandıdat tirkeldi
ASTANA. Qarashanyń 23-i. QazAqparat - Ózbekstanda Parlamenttiń tómengi palatasyna ótetin saılaýǵa 517 kandıdat tirkeldi, dep habarlaıdy respýblıkanyń memlekettik aqparattyq agenttigi. Olar 135 depýtattyq mandatqa talasatyn bolady.
Jergilikti zańnamaǵa sáıkes, saılaýǵa elde tirkelgen tórt partııanyń kandıdattary qatysa alady, Respýblıkalyq Ortalyq saılaý komıssııasynyń habarlaýynsha, kandıdattardyń 30 paıyzdan astamy - áıelder.
Tirkelgen barlyq kandıdattardyń tizimi aǵymdaǵy aptada jarııa etiledi. Ózbekstan parlamentine saılaý jeltoqsannyń 27-sinde ótedi.
