Ózbekstanda parlamenttik saılaýdyń aldyn ala qorytyndysy jarııalandy
TAShKENT. QazAqparat - Aldyn ala qorytyndyǵa sáıkes Ózbekstan Respýblıkasy Olıı Majlıs Zańnamalyq palatasyna 113 saılaý okrýgi boıynsha depýtattar saılady.
Ózbekstannyń Kásipkerler jáne isker adamdar qozǵalysy - lıberaldyq-demokratııalyq partııasynan 47 depýtat, «Mıllıı tıklanısh» demokratııalyq partııasynan - 28, halyqtyq-demokratııalyq partııasynan - 21, «Adolat» áleýmettik-demokratııalyq partııasynan 17 depýtat saılandy. Bul týraly brıfıngte Ózbekstan OSK tóraǵasy M. Abdýsalomov habarlady.
Onyń aıtýynsha, Ózbekstannyń Ekologııalyq qozǵalysynyń Konferentsııasy ótti, onda Ózbekstan Respýblıkasynyń ár ákimshilik-aýmaqtyq birliginen jáne Ekoqozǵalys Ortalyq kengashynyń Atqarýshy komıtetinen ókil bolyp tabylatyn úmitkerler konferentsııasynda usynylǵandar ishinen Ekoqozǵalystan parlamenttiń Zańnamalyq palatasyna jasyryn daýyspen 15 depýtat saılanǵan.
22 okrýgte birde-bir úmitker qajetti daýys sanyn jınaı almaǵan. Osyǵan oraı, zańnamaǵa sáıkes bul okrýgterde zańnamada aıqyndalǵan merzimde eń kóp daýys jınaǵan eki úmitker boıynsha qaıta daýys beriletin bolady.
