Ózbekstanda parlamenttik saılaý ótip jatyr
TAShKENT. QazAqparat - Ózbekstanda Ózbekstan Respýblıkasy Olıı Majlısi (parlamenttiń tómengi palatasy) jáne jergilikti halyq depýtattary kengashıi (keńeste) saılaýy ótip jatyr.
Jergilikti ýaqytpen saǵat 06:00-de (Astana ýaqyty boıynsha saǵat 07:00-de) barsha el boıynsha 135 saılaý okrýgterinde ornalasqan 9 myń ýchaskeniń esigi ashyldy. Daýys berýge daýys berý quqyǵyna ıe eldiń 20 mln 789 myńnan astam azamattary qatysady.
Parlamenttegi orynǵa tórt saıası partııa talasady. Bul Ózbekstannyń Halyqtyń demokratııalyq partııasy, "Mıllıı tıklanısh" demokratııalyq partııasy, "Adolat" áleýmettik-demokratııalyq partııasy, kásipkerler men iskerler qozǵalysy - Ózbekstannyń lıberaldyq-demokratııalyq partııasy. 135 orynǵa 535 úmitker bar.
15 orynǵa kvota Ózbekstannyń Ekologııalyq qozǵalysyna bólindi, bul qozǵalystan depýtattar búgin respýblıkalyq ekologtar konferentsııasynda jasyryn daýys berý arqyly saılanady.
Saılaý ýchaskelerinde daýys berý barysyn birqatar memleketterden baqylaýshylar, halyqaralyq uıymdar men qozǵalystar ókilderi qadaǵalaıdy. Olardyń ishinde - EQYU DIAQB ókilderi, TMD atqarýshy komıteti, Shanhaı yntymaqtastyq uıymy, Islam yntymaqtastyq uıymy, sondaı-aq 40 elden baqylaýshylar, onyń ishinde OSK tóraǵasy Qýandyq Turǵanulov bastap qazaqstandyqtar bar.
