Ózbekstanda parlamenttik saılaý boıynsha qaıta daýys berý ótti
ASTANA. QazAqparat - Ózbekstannyń 22 saılaý okrýginde Olıı Májilistiń Zańnamalyq palatasyna (Ózbekstan parlamentiniń tómengi palatasy) depýtattardy saılaý boıynsha qaıta daýys berý ótti.
Saılaý jónindegi Respýblıkalyq baspasóz ortalyǵynan habarlanǵandaı, ár okrýgte saılaý 2014 jyldyń 21 jeltoqsanynda ótken negizgi saılaý kezinde eń kóp daýysqa ıe bolǵan eki úmitker boıynsha ótti.
Qaıta daýys berý kezinde daýys berýge qatysqan saılaýshylardyń eń kóp daýysyna ıe bolǵan úmitker jeńedi.
