Ózbekstanda parlament saılaýynyń nátıjesi jarııalandy
NUR-SULTAN. QazAqparat – Ózbekstan Respýblıkasy parlamentiniń Zań shyǵarýshy palatasy jáne halyq depýtattary jergilikti keńesteriniń depýtattaryn saılaý aıaqtaldy, dep habarlaıdy QazAqparat eldiń Ortalyq saılaý komıssııasyna silteme jasap.
Ózbekstan Ortalyq saılaý komıssııasynyń tóraǵasy Myrza-Ulyqbek Abdýsalamovtyń málimdeýinshe, Ózbekstan Respýblıkasy Olıı Majlısi zań shyǵarý palatasyna Ózbekstan lıberal demokratııalyq partııasynan 43 depýtat saılanyp, parlamentte basymdyqqa ıe boldy.
Sondaı-aq parlamentke «Mılıı tıklanısh» demokratııalyq partııasynan - 35 depýtat, «Adolat» sotsıal-demokratııalyq partııasynan - 21 depýtat, Halyq demokratııalyq partııasynan - 18 depýtat, Ózbekstan Ekologııalyq partııasynan - 11 depýtat saılanǵan.
Saılaý barysyn 1150 sheteldik BAQ ókili baqylap otyrǵan.
OSK málimdeýinshe, 22 saılaý okrýginde qaıta saılaý ótkiziledi.
