Ózbekstanda parlament saılaýy aıaqtaldy
TAShKENT. QazAqparat - Ózbekstan Respýblıkasynda parlament saılaýy aıaqtaldy. Aldyn ala jarııa etilgen málimet boıynsha, Parlamenttiń tómengi palatasy Olıı májilis saılaýyna saılaýshylardyń 88 paıyzy daýys berdi, dep málimdedi Ózbekstan Ortalyq saılaý komıssııasynyń tóraǵasy M.Abdýsalamov.
Onyń aıtýynsha, aldyn ala esep boıynsha, saılaýǵa 18 mln. adam qatysty, ol daýys berýshilerdiń 88 paıyzy. Saılaý tek, Ózbekstan Respýblıkasynyń Eýropa jáne AQSh-taǵy saılaý ýchaskelerinde júrip jatyr.
Búgin, 22 jeltoqsan kúni saǵat 15-00 de Ózbekstan Respýblıkasy Zań shyǵarýshy palatasyna depýtattardy saılaý nátıjesiniń alǵashqy qortyndylary jarııa etiledi.
