Ózbekstanda «Ortalyq Azııa - Úndistan» qarym-qatynasy talqylanýda

SAMARQAND. QazAqparat - Búgin Samarqandta plenarlyq sessııa formatyndaǵy «Ortalyq Azııa - Úndistan» dıalogy mınıstrlerdiń birinshi kezdesýi óz jumysyn bastady. Oǵan Úndistan, Qazaqstan, Qyrǵyzstan, Tájikstan, Túrkimenstan jáne Ózbekstan syrtqy saıası vedomstvolarynyń basshylary qatysyp jatyr, dep habarlaıdy «QazAqparat» HAA menshikti tilshisi.

Kezdesýde ózara saýda-sattyqty damytýǵa yqpal etýdiń perspektıvalyq baǵyttary, kólik jáne logıstıkany damytý, ınvestıtsııa tartý, ónerkásiptiń negizgi baǵyttaryndaǵy ınnovatsııa men tehnologııalar, energetıka, aqparattyq tehnologııalar, medıtsına, aýyl sharýashylyǵy, sondaı-aq mádenıet salasyndaǵy ózara is-qımyl máseleleri talqylanady.

Birinshi mınıstrlik kezdesýiń qorytyndysy boıynsha, Birlesken málimdeme qabyldaý josparlanýda.