Ózbekstanda Ortalyq Azııa elderi men Ázerbaıjannyń áskerı oqý-jattyǵýy ótip jatyr
TAShKENT. KAZINFORM – Ózbekstandaǵy «Kattakýrgan» polıgonynda Qazaqstan, Tájikstan, Ázerbaıjan jáne Qyrǵyzstan qorǵanys kúshteriniń «Birlik – 2025» áskerı oqý-jattyǵýy ótip jatyr, dep habarlaıdy Kazinform agenttiginiń menshikti tilshisi.
Oqý-jattyǵý barysynda áskerı qyzmetshiler zamanaýı urys tásilderin biresip pysyqtap jatyr. Atap aıtqanda, olarǵa taktıkalyq daıyndyq, baılanys jáne áskerı-medıtsınalyq kómek kórsetý boıynsha mindetter qoıylǵan. Tıisinshe, olar bul baǵyttarda ózara tájirıbe almasyp jatyr.
Ózbekstannyń Qorǵanys mınıstrliginen atap ótkendeı, mundaı oqý-jattyǵý el áskerleriniń áleýetin arttyryp, yqtımal qaterlerdiń aldyn alýǵa baǵyttalǵan sharalardy ózara kelise otyryp júrgizýge yqpal etedi.
Eske salaıyq, byltyr qarashada Qazaqstan men Ózbekstannyń áskerı qyzmetshileri birlesip, «Forısh» taýly polıgonynda «Hanjar-2024» taktıkalyq arnaıy oqý-jattyǵýyn ótkizgen bolatyn.
Sondaı-aq, taıaýda Ilham Álıev 2026 jyly Ázerbaıjanda TMU elderiniń áskerı jattyǵýlaryn ótkizýdi usynǵan edi.
