Ózbekstanda olımpıadashylar medaldarmen, ataqtarmen jáne kóliktermen marapattaldy
TAShKENT. 15 tamyz. QazAqparat - Ózbekstan Prezıdenti Islam Kárimov óziniń Jarlyǵymen Olımpıada júldegerlerin qurmetti ataqtar jáne medaldarmen marapattady, dep habarlaıdy «ÓzA» memlekettik aqparat agenttiginen.
Jarlyqta atap ótilgendeı, Londonda ótken HHH jazǵy Olımpıada oıyndarynda qol jetkizgen joǵary nátıjeler, halyqaralyq arenada Otan abyroıy men bedelin kótergeni úshin Ózbekstannyń dzıýdodan qurama komandasynyń múshesi Rıshod Sobırovke, Ózbekstannyń erkin kúres boıynsha quramasynyń múshesi Soslan Tıgıevke «Ýzbekıston ıftıhorı» («Ózbekstan maqtanyshy») qurmetti ataqtary berildi.
Budan basqa, «Ózbekstan Respýblıkasynyń qurmetti sportshysy» ataǵy Ózbekstannyń boks boıynsha quramasynyń múshesi Abbos Atoevke berildi. Al eldegi erkin kúres boıynsha quramanyń múshesi Artýr Taımazov «El-ıýrt ҳýrmatı» ordenimen marapattaldy.
Ótken HHH Olımpıada oıyndarynda Ózbekstan tórt medaldi jeńip aldy, sonyń ishinde bireýi altyn jáne úsheýi qola bolyp keledi.
Ózbek ınternet-basylymdarynyń habarlaýynsha, altyn medal ıegeri A.Taımazov Chevrolet Malibu jańa kóliginiń kiltin alady. Londondaǵy Olımpıada oıyndarynyń qola júldegerleri A.Atoevqa, R.Sobırovqa jáne S. Tıgıevke Chevrolet Lacetti avtomobılderi tapsyrylady.
