Ózbekstanda oqýshylar men muǵalimder jyl saıyn psıhologııalyq baǵalaýdan ótkizilmek
ASTANA. KAZINFORM — Ózbekstan bilim berý mekemelerinde mektep oqýshylary, stýdentter men muǵalimder, sondaı-aq balabaqsha qyzmetkerleri úshin jyl saıynǵy psıhologııalyq dıagnostıka engizilip jatyr.
Ózbekstan prezıdentiniń qaýlysyna sáıkes, dıagnostıka arnaıy elektrondyq platformada júrgiziledi. Baǵalaý kezinde alynǵan jeke derekter men aqparattyń qupııalylyǵy qamtamasyz etilýge tıis.
Nátıjeler jasandy ıntellekt tehnologııalaryn qoldaný arqyly taldanady. Qatysýshylar:
- psıhologııalyq turǵydan turaqty;
- psıhologııalyq qoldaýǵa muqtaj;
- belsendi psıhologııalyq qoldaýdy qajet etetin tulǵalar dep úsh topqa bólinedi.
Baǵalaýdan keıin qatysýshylarǵa bilim berý mekemesiniń psıhologi jáne tıisti aımaqta jumys isteıtin tálimger-psıholog taǵaıyndalady.
Júıe eki kezeńde engiziledi. 2026-2027 oqý jylynan bastap mektepke deıingi jáne jalpy bilim berý mekemelerine, al 2027-2028 oqý jylynan bastap orta arnaıy, kásiptik jáne joǵary oqý oryndaryne engiziledi.
Eske salaıyq, buǵan deıin Ózbekstan latyn álipbıine qatysty kópjyldyq daýǵa núkte qoıǵanyn habarlaǵanbyz.
