Ózbekstanda nesıe alaıaqtyǵy bir jylda 42 paıyzǵa ósti
TAShKENT. Kazinform - Ózbekstanda azamattardyń jeke málimetteri negizinde túrli kommertsııalyq bankter tarapynan nesıe berý faktileri aıtarlyqtaı ósti, dep habarlaıdy Kazinform Ózbekstan Parlamentiniń Adam quqyqtary jónindegi ýákiliniń (ombýdsmen) baspasóz qyzmetine silteme jasap.
2024 jyly Ýákil atyna azamattardan ekonomıkalyq quqyqtarǵa qatysty 6 myńnan astam ótinish túskeni habarlandy. Bul ótinishterdiń 9 paıyzy alaıaqtyq isterge qatysty. 2023 jyly mundaı ótinishterdiń sany 110 bolsa, 2024 jyly bul kórsetkish 42%-ǵa ósti.
Ótinishterdiń 60 paıyzynda ózin Click kompanııasynyń nemese Ortalyq banktiń qyzmetkeri retinde tanystyratyn tulǵalar azamattardyń jeke málimetterin paıdalanyp onlaın nesıe rásimdegen. Keıbir jaǵdaılarda 5-6 kommertsııalyq bankten bir adamnyń atyna nesıe berilgen.
Atalǵan ótinishter boıynsha ishki ister organdarynyń tergeýshileri kommertsııalyq bankterge atalǵan azamattardyń nesıe qarajatyn ózderi paıdalanbaǵanyn jáne azamattyq talapker dep tanylǵanyn habarlaý, sondaı-aq kináli tulǵalar tabylmaıynsha nesıe boıynsha bereshekti jáne syıaqyny esepteýdi toqtata turý týraly uıǵarym jiberdi.
ÓR Qylmystyq is júrgizý kodeksiniń 36-babynda tergeýshiniń óz qaraýyndaǵy is boıynsha zańǵa sáıkes shyǵarǵan jazbasha nusqaýlary men qaýlylary barlyq kásiporyndar, uıymdar, laýazymdy adamdar, azamattar úshin mindetti dep kórsetilgen. Alaıda, buǵan qaramastan bankter alaıaqtyqpen aldanyp qalǵan azamattardan nesıelerin qaıtarýdy talap etýde.
Ýákil osyǵan baılanysty azamattardyń múddesin kózdep, azamattyq ister boıynsha sottarǵa 5 talap-aryz berip, banktermen jasalǵan nesıelik kelisim-sharttar jaramsyz dep tanyldy. 1 azamattyń atyna alynǵan nesıe qarajaty onyń paıdasyna qaıtarylyp, moraldyq shyǵyn óndirildi.
Bul saladaǵy máselelerge baılanysty shaǵymdardyń kóbeıýi negizinen halyqtyń beıqamdyǵynan, aqparattyq qaýipsizdiktiń joqtyǵynan, ekonomıkalyq bilimniń jetkiliksizdiginen ekeni atap ótildi.
«Aqparattyq tehnologııalar damyǵan saıyn aldaýdyń jáne alaıaqtyqtyń jańa ádisteri oılap tabylyp jatqanyn este ustaǵan jón», - delingen ombýdsmen baıandamasynda.
Eske sala keteıik, Ózbekstanda 2 jylda turǵyn úı qurylysyna qatysty 5,5 myńnan asa zań buzýshylyq anyqtaldy.