Ózbekstanda Naýryz bolmaıdy, barlyq oqý ornynda sabaq toqtatyldy
TAShKENT. ÓzA – QazAqparat – Ózbekstanda koronavırýstyń taralýynyń aldyn alý maqsatynda keshendi sharalar qabyldanyp jatyr, dep habarlaıdy QazAqparat ÓzA agenttigine silteme jasap.
Búgin eldiń premer-mınıstri Abdýlla Arıpov Ózbekstanǵa koronavırýstyń kelýiniń aldyn alý sharalaryn kúsheıtýge arnalǵan sharalardy qolǵa alý týraly jınalys ótkizdi.
Jınalystan keıin Ózbekstanda Naýryz meıramynyń buqaralyq sharalary bolmaıtyny, sondaı-aq adam kóp jınalatyn basqa sharalar da ótpeıtini týraly habarlandy.
Budan bólek, elde koronavırýstyń tabylýyna baılanysty, 16 naýryzdan bastap barlyq JOO, mektep, mektepke deıingi bilim mekemeleriniń bilim alýshylaryna demalys berildi.
