Ózbekstanda mıllıon dollarlyq banknotty satpaqshy bolǵan adam ustaldy
TAShKENT. ÓzAA-QazAqparat – Ózbekstanda mıllıon dollarlyq banknotty satpaqshy bolǵan er adam ustaldy, dep habarlaıdy QazAqparat ÓzAA-ǵa silteme jasap.
Ózbekstan Respýblıkasy Bas prokýratýrasynyń departamenti jedel izdestirý sharalary barysynda mıllıon dollarlyq banknotty 10 myń AQSh dollaryna satpaq bolǵan er adamdy ustady.
Banknot kádesyı bolyp shyqty jáne onyń eshqandaı quny joq.
Ózbekstan Respýblıkasy Bas prokýratýrasy Qoǵammen baılanys jáne quqyqtyq aqparat basqarmasynyń bastyǵy Haet Shamsýtdınovtiń aıtýynsha, er azamatqa qatysty qylmystyq is qozǵalǵan. Qazir tergeý júrip jatyr.
