Ózbekstanda metan gaz quıý stantsııalaryna qoıylǵan shekteýler kezeń-kezeńimen alynyp tastalady
TAShKENT. KAZINFORM — Ózbekstan Energetıka mınıstrliginiń baspasóz qyzmeti 6 naýryz kúni saǵat 09:00–den bastap búkil el boıynsha metan gaz quıý stantsııalary óz jumysyn kezeń-kezeńimen qalpyna keltiretinin málimdedi, dep habarlaıdy Kazinform agenttigi ÓzA-ǵa silteme jasap.
Naýryz aıynyń basynda aýa temperatýrasynyń kúrt tómendeýine baılanysty tabıǵı gaz tutyný artyp, qubyrlardaǵy qysym tómendedi. Sondyqtan halyqty, áleýmettik sala nysandaryn kógildir otynmen qamtamasyz etý basty nazarda boldy. Metan gaz quıý stantsııalary ýaqytsha jumysyn toqtatty.
Qabyldanǵan shuǵyl sharalardyń nátıjesinde gaz qubyrlaryndaǵy qysym turaqtandyryldy.
Búginnen, 6 naýryzdan bastap barlyq óńirlerde metan gaz quıý stantsııalary jumysyn qaıta bastaıdy.
Eske sala keteıik, 20 naýryzdan bastap Ózbekstanda Temu buǵattalady.