Ózbekstanda meshit aldynan sadaqa jáshigin urlap ketkender ustaldy

Keshe áleýmettik jelide 20 qarasha kúni saǵat 02:12-de Qoshtepa aýdanynyń Sarmazor oramynda ornalasqan «Sarmazor» meshitine “Damas” kóligimen belgisiz bireýler kelip, sadaqa jáshigin alyp ketkeni týraly beınejazba tarady, dep habarlaıdy Kazinform Ferǵana oblysy ІІB baspasóz qyzmetine silteme jasap.

«Jedel is-sharalar barysynda E.N. óziniń Damas avtokóligimen aǵymdaǵy jyldyń 20 qarasha kúni saǵat 02:12–de B.V. jáne S. A. esimdi sybaılastarymen birge „Sarmazor“ meshitiniń aldyna qoıylǵanǵ ishinde 80 000 sýmy (shamamen 3000 teńge — red.) bar sadaqa jáshigin alyp ketkeni anyqtaldy», - delingen ІІB habarlamasynda.

Qazirgi ýaqytta sadaqa jáshigi aıǵaq retinde alynyp, sotqa deıingi tergeý amaldary júrgizilýde.