Ózbekstanda mektepter men JOO-larǵa qarjylyq saýattylyq páni engiziledi
TAShKENT. KAZINFORM – Bıyldan bastap ózbekstandyq oqýshylar men stýdentterge qarjylyq saýattylyq negizderin oqytý josparlanyp otyr, dep habarlaıdy Kazinform agenttiginiń menshikti tilshisi.
Bul týraly Ózbekstan Ortalyq bankinde BAQ ókilderiniń qatysýymen ótken baspasóz máslıhatynda málim boldy. Sondaı-aq, kásipkerler men turmystyq jaǵdaıy tómen turǵyndar úshin qarjylyq saýattylyq boıynsha oqýlyqtar ázirlenedi.
Buǵan qosa, Ortalyq bank ókili Bahodır Mırzoev salaǵa engizilip jatqan jańashyldyqtar týraly aıtty. Onyń sózinshe, bıyl qarjy retteýshisi jasandy ıntellekttiń kómegimen qarjy uıymdarynyń qyzmetine, onyń ishinde kelisimsharttardyń zańǵa sáıkestigin teksermek.
Eske salaıyq, Ózbekstan mektepterine oqýshylardy energetıkalyq saýattylyq negizderine úıretetin baǵdarlama engiziledi.
Buǵan deıin habarlaǵanymyzdaı, Ózbekstanda balasyna zańsyz dinı bilim beretin ata-analar endi ákimshilik jaýapqa tartylady.