Ózbekstanda mektep oqýlyǵyndaǵy QR-kod onlaın kazıno jarnamasyna baǵyttalǵan

Buǵan deıin áleýmettik jelilerde Ózbekstanda 10-synypqa arnalǵan orys tili oqýlyǵynda QR-kod basylyp, oǵan kirgen kezde kazıno bar saıt ashylǵany týraly aqparat taraǵan bolatyn. Ózbekstan Respýblıkasy Mektepke deıingi jáne mektep bilimi mınıstrligi bul jaǵdaıǵa qatysty pikir bildirdi, dep habarlaıdy Kazinform.

2022 jyly shyqqan oqýlyqtaǵy QR-kod siltemesi osy ýaqytqa deıin durys bolǵan jáne sabaq tapsyrmalaryna baǵyttalǵany habarlandy.

“Búgin mamandar QR-kodqa silteme jasalǵan saıt buzylǵanyn rastady. Mınıstrlik tıisti salalyq uıymdarǵa oqýlyqtaǵy jattyǵýlardy oryndaý úshin QR-kod arqyly ený kezinde paıda bolatyn «onlaın kazıno» siltemesin shekteýdi surady», - delingen habarlamada.