Ózbekstanda maýsym aıynyń qorytyndysy boıynsha deflıatsııa tirkeldi

TAShKENT. QazAqparat - Maýsym aıynda Ózbekstanda 0,3 % deflıatsııa tirkelip, jyldyq ınflıatsııa 9%-ǵa deıin tómendedi, dep habarlaıdy QazAqparat tilshisi.

Ózbekstan Statıstıka agenttiginiń málimeti boıynsha, maýsymdyq deflıatsııanyń negizgi faktory azyq-túlik taýarlary boldy, olar sońǵy aıda ortasha alǵanda 1,1%-ǵa arzandady, al azyq-túlik emes taýarlar 0,4%-ǵa, qyzmetter 0,2%-ǵa qymbattady. Maýsym aıynda azyq-túlik taýarlarynyń ishinde kókónister – 13,8%-ǵa, jemister men jańǵaqtar – 2,3%-ǵa, maılar men toń maılar 1,3%-ǵa eń kóp tómendedi.

Vedomstvo ınflıatsııa basynan bastap 3,45% - ǵa deıin tómendegenin aıtty. Jyldyq ınflıatsııa 9% - ǵa deıin tómendedi, bul - 2016 jyldyń tamyzynan bergi eń tómengi kórsetkish (8,6%).