Ózbekstanda mas kúıinde kólik tizgindegin 30 myńnan astam júrgizýshi jazalandy

TAShKENT. KAZINFORM – Byltyr mas kúıinde kólik basqarǵan 31,3 myń ózbekstandyq ákimshilik jaýapqa tartyldy, dep habarlaıdy Kazinform agenttiginiń menshikti tilshisi.

Joǵarǵy sottyń baspasóz qyzmetinen málim etkendeı, ótken jyly mas kúıinde temir tulpar tizgindegen júrgizýshilerge qatysty 32,7 myń ákimshilik is qaralǵan. Onyń nátıjesinde 31,3 myń azamatqa aıyppul salý, kólik júrgizý quqyǵynan aıyrý jáne ákimshilik qamaqqa alý jazalary qoldanylǵan.

Sonymen qatar, byltyr 9 aıda Ózbekstanda 308 myńnan astam jaıaý júrginshi jol erejesin buzǵan.

Eske sala keteıik, Ózbekstanda elektromobılder úshin ýtılalym quny qymbattaıdy.

Sonymen qatar, byltyr Qazaqstan Ózbekstanǵa eń kóp elektromobıl eksporttaǵan elderdiń úshtigine endi.

Buǵan qosa, Ózbekstanda avtobýs pen arnaıy tehnıkaǵa arnalǵan jolaqpen júrgen kólik júrgizýshilerine aıyppul salý josparlanyp otyr.