Ózbekstanda mas kúıinde 23 balany tasymaldaǵan Damas júrgizýshisi qamaýǵa alyndy
ASTANA. KAZINFORM — Naýaı oblysynda Damas júrgizýshisi mas kúıinde balabaqshanyń 23 búldirshinin tasymaldaǵany anyqtaldy, dep habarlady oblystyq ІІB Jol qozǵalysy qaýipsizdigi basqarmasy.
Oqıǵa Naýaı oblysynyń Navbahor aýdanynda bolǵan. Tekserý barysynda toqtatylǵan Damas avtokóliginiń salonynda 23 bala men 2 tárbıeshi bolǵany anyqtaldy.
Júrgizýshini arnaıy quraldyń kómegimen teksergennen keıin onyń mas bolǵany anyqtaldy. Sondaı-aq onyń júrgizýshilik kýáligi de, kólik júrgizýge quqyǵy da joq ekeni anyqtaldy.
— Bir kún buryn sharshap, syra ishtim, - dep moıyndady júrgizýshi.
Oǵan qatysty tıisti sharalar qoldanylyp, kólik ýaqytsha saqtaý úshin aıyp alańyna qoıyldy.
Eske sala keteıik, 10 ret ereje buzǵan ózbekstandyqtar endi kólik basqarý quqyǵynan aıyrylýy múmkin.
