Ózbekstanda mas adam óz anasyn baltamen shaýyp óltirdi

TAShKENT. KAZINFORM - Sot sheshimimen 34 jastaǵy sottalýshy 18 jylǵa bas bostandyǵynan aıyryldy, dep habarlaıdy Kazinform agenttigi Zamon telearnasyna silteme jasap.

Zamon telearnasy habarlaǵandaı, Buhara oblysy, Gıjdývon qalasynyń 34 jastaǵy turǵyny úıine alkogoldik sýsyn ákelip, ishe bastaǵan. Kelesi bólmede ol anasy ulynyń durys emes ómir saltyna shaǵymdanǵanyn estidi, bul onsyz da mas er adamdy ashýlandyrdy.

Ashýlanǵan ol qoımadan temir balta alady da, anasynyń bólmesine kirip, baltamen onyń moınynan birneshe ret urǵan.

Bul is boıynsha sot talqylaýy barysynda sottalýshy óltirý nıeti bolmaǵanyn jáne sol kúni alkogoldi shamadan tys ishkendikten onyń qalaı bolǵany esinde joqtyǵyn alǵa tartty. Alaıda, sot tergeý jınaǵan dáleldemelerdi qarap, jaýapkerdiń ýájderin jaýapkershilikten jaltarý áreketi dep sanap, bas tartty.

Kúdikti sot sheshimimen 18 jyl 1 aıǵa bas bostandyǵynan aıyryldy. Ol jazasyn qatań rejımdegi kolonııada óteıtin bolady.

Eske sala keteıik, Ózbekstanda qylmys jasaǵan adam Stepnogorsk qalasynda 10 jyl boıy jasyrynyp júrgen.