Ózbekstanda lańkestik uıym músheleri sottaldy
ASTANA. QazAqparat - Qashqadarııa oblystyq sotynyń sheshimimen Ózbekstan Islam qozǵalysyna qatystylyǵy úshin Otabek Ochılov, Zafar Pýlatov, Bahtıer Bozorov, Lolahon Kýdratova, Nıgora Ernazarova jáne Azıza Mýhıtdınovanyń qylmystyq isteri boıynsha olarǵa 9-dan 15 jylǵa deıingi merzimge bas bostandyqtarynan aıyrý týraly úkim shyǵaryldy, dep habarlady 12news.uz saıty.
Keıbir BAQ derekterine súıensek, sottalýshylar Ózbekstan Qylmystyq kodeksiniń 155-baby (terrorızm), 159 (Ózbekstannyń konstıtýtsııalyq qurylysyna qastandyq), 244 (dinı-ekstremıstik, separatıstik, fýndamentalıstik nemese basqa da tyıym salynǵan uıymdardy uıymdastyrý, olarǵa basshylyq, qatysý) baptary boıynsha aıyptalýda.
Tergeý barysynda azamattar Reseı Federatsııasyna qonys teýip, 2010-2013 jyldary Pákistan aýmaǵynda áreket etetin «Ózbekstan Islam qozǵalysyna» múshe bolady.
Bular otandastaryn halyqaralyq lańkestik uıymdastyrý maqsatyna úgittegen, Ózbekstandaǵy jaǵdaıdy turaqsyzdandyryp, halıfat memleketin qalyptastyrý arqyly konstıtýtsııalyq qurylysty ózgertýdi josparlaǵan. Osy maqsatta sottalýshylar Reseıde tapqan aqshalarynan «Baıtýlmol» ortaq qazynasyna 500 dollardan bólip, «Máskeý-Baký-Zohıdon-Vana» poıyzyna otyryp, Pákistandaǵy lańkestik topqa qosylmaqshy bolǵan. Sot úkiminde olar Ózbekstandaǵy prezıdenttik jáne parlamenttik júıeni ózgertý maqsatynda Reseıdiń belgisiz buryshynda qarý qoldanýdy úırenip, jıhadqa daıarlyqtan ótken.
