Ózbekstanda qylmys jasaǵan 17 shetel azamatyna raqymshylyq jasaldy

TAShKENT. ÓzA-QazAqpart - Ózbekstan Respýblıkas prezıdenti Shavkat Mırzııaev Konstıtýtsııasynyń qabyldanǵanyna 30 jyl tolýyna oraı «Jazasyn ótep jatqan, jasaǵan isine shyn ókingen jáne túzelý jolyna qadam basqan bir top adamdarǵa raqymshylyq jasaý týraly» Jarlyqqa qol qoıdy. Bul týraly QazAqparat ÓzA silteme jasap habarlaıdy.

Jarlyqqa sáıkes, Ózbekstan Respýblıkasy Konstıtýtsııasynyń 93-babynyń 23-tarmaǵyna sáıkes jasaǵan qylmystary úshin qylmystyq-atqarý júıesi mekemelerinde jáne probatsııa organdarynda jazasyn ótep jatqan jáne jasaǵan áreketine shyn ókinip, sheshimdi túrde túzelý jolyna nyq qadam basqan 402 adamǵa keshirim jasaldy.

Raqymshylyq jasalǵandardyń 128-i negizgi jazadan tolyq bosatylsa, 201-i jazany óteý merziminen buryn shartty túrde bosatyldy jáne 15-i jeńilirek jazaǵa aýystyryldy. Sondaı-aq 58 adamǵa taǵaıyndalǵan bas bostandyǵynan aıyrý jazasy qysqartyldy.

Keshirim jasalǵandardyń 17-si shetel azamaty, 63-i áıel, 26-sy 60-tan asqan, 19-y tyıym salynǵan uıymdardyń qyzmetine qatysqan adamdar.

Foto: uza.uz