Ózbekstanda Kýshan patshasynyń móri tabyldy
ASTANA. QazAqparat - Ózbekstan ǵylym akademııasy Óner ınstıtýtynyń Ónertaný ekspedıtsııasy kóne Baktrııa - Dalverzıntep ólkesinde júrgizilgen iri arheologııalyq nysandy zertteý barysynda oılamaǵan jerden mór taýyp aldy, dep habarlaıdy 1news.uz .
Jańalyq jaıynda Ǵylym akademııasynyń Ónertaný ınstıtýtynyń bóliminiń meńgerýshisi, ónertaný ekspedıtsııasynyń jetekshisi, tarıh ǵylymdarynyń kandıdaty Bahodır Turǵynov málim etti. Onyń aıtýynsha, mórdiń eki jaǵynda da er adamnyń beınesi beınelengen.
«Hımııalyq óńdeý barysynda bunyń áýlettiń negizin qalaýshy Qudjuly Kadfızdiń uldarynyń biri - uly Kýshan ımperatory Vıma Kadfız ekendigi anyqtaldy. Ol bizdiń eramyzǵa deıin shamamen 110-127 jyldary memleket basqardy (basqasha málimetteri de bar) jáne onyń qýattylyǵyn aıtarlyqtaı nyǵaıtqan. Patshanyń móri sanalatyn bul monetany arheologtar Ózbekstandaǵy Kýshan ımperııasynyń tarıhı eskertkishterin zertteý barysyndaǵy ekspedıtsııa tarıhyndaǵy erekshe oljaǵa balap otyr.
Onyń uly Kanıshkıdiń móriniń (shamamen 127-154 jyldary el basqarǵan) jarty ǵasyr buryn Úndistannan tabylǵan», - deıdi ózbekstandyq arheolog.
Eske sala ketsek, Kýshan patshalyǵy qazirgi Orta Azııanyń edáýir bóligin, Aýǵanstandy, batys Pákistandy, Soltústik Úndistandy, Shyǵys Túrkistandy qamtylǵan. Kóne dúnıede zor ról atqarǵandyǵyna qaramastan, Kýshan patshalyǵynyń tarıhy jetkilikti zerttelmegen.
