Ózbekstanda Qurban aıtty otbasynda ǵana atap ótý týraly qaýly shyqty

TAShKENT. QazAqparat – Ózbekstan prezıdent Shavkat Mırzıeev el turǵyndaryn Qurban aıt merekesin karantın sharalaryn saqtaı otyryp otbasymen úılerinde qarsy alýǵa úndedi. Tıisti qaýlyǵa keshe respýblıka basshysy qol qoıdy, dep habarlaıdy QazAqparat tilshisi.

«Qaraqalpaqstan Respýblıkasy Mınıstrler keńesi, oblys jáne Tashkent qalasynyń hokımııattary Ózbekstan Respýblıkasy Mınıstrler kabıneti janyndaǵy Din isteri jónindegi komıtet, Mahallı jáne otbasyn qoldaý mınıstrligimen birlesip, sondaı-aq qoǵamdyq uıymdarǵa Qurban aıtty bizdiń halqymyzdyń ulttyq jáne dinı dástúrlerine sáıkes jáne karantın talaptaryn saqtaı otyryp, otbasylarymen ótkizý basymdyqtary týraly túsindirme jumysyn júrgizsin», - delingen qaýlyda.

Sondaı-aq, qaýlyda demalys kúnderin 17 shilde, senbiden 21 shilde – sársenbige jáne 24 shilde, senbiden 22 shilde – beısenbige aýystyrý qarastyrylǵan. Osylaısha, ózbekstandyqtar Qurban aıtta qatarynan úsh kún, ıaǵnı 20-22 shilde kúnderi demalady.

Eske sala ketsek, Ózbekstanda epıdemıologııalyq jaǵdaıdyń ýshyǵýy saldarynan 28 maýsymnan bastap karantın sharalary kúsheıtilgen. Koronavırýsqa shaldyqqandar sanynyń kúrt ósýine baılanysty el astanasy men aımaqtarda qosymsha kovıd-ortalyqtar ashylýda.