Ózbekstanda kún 47 gradýsqa deıin ysıdy
TAShKENT. KAZINFORM – Ózbekstannyń gıdrometeorologııalyq qyzmet ortalyǵy aýa temperatýrasynyń 47 gradýsqa deıin kóteriletini týraly shuǵyl aqparat taratty, dep habarlaıdy QazAqparat menshikti tilshisi.
Vedomstvonyń málimetinshe, 17-22 shilde aralyǵynda Ózbekstan aýmaǵyna Túrikmenstan arqyly Iran aımaqtarynan ystyq aýa shyǵarylady.
«Osyǵan baılanysty kúndizgi aýa temperatýrasy:
- Qaraqalpaqstan Respýblıkasy, Horezm, Buhar, Navoı, Qashqadarııa, Sýrhandarııa oblystarynda 44-47 gradýsqa deıin;
- Tashkent, Samarqan, Jızaq, Syrdarııa oblystarynda 42-45 gradýsqa deıin;
- Ferǵana alqabynyń oblystary boıynsha 41-43 gradýsqa deıin kóteriledi», - dep habarlady Ózgıdromet.
Vedomstvonyń habarlaýynsha, respýblıka boıynsha keı jerlerde jeldiń ekpini 15-20 m/s-qa deıin kúsheıedi. Jekelegen aýdandarda ekpini 22-25 m/s-qa deıin jetýi múmkin.
Foto: kartinkin.net
