Ózbekstanda kitapty belsendi oqyǵan mektep oqýshylary qarjylaı yntalandyrý alady
KAZINFORM - Ózbekstan prezıdenti Shavkat Mırzıeev 1-11 synyp oqýshylary arasynda kitap oqýdy nasıhattaý boıynsha ulttyq qozǵalysty bastaý týraly jarlyqqa qol qoıdy, dep habarlaıdy Kazinform.
Ulttyq baǵdarlama bıyl iske qosylyp, Ózbekstannyń barlyq aımaqtaryn qamtıdy.
Baǵdarlamanyń jalpy jyldyq júlde qory 240 myń AQSh dollaryn quraıdy. Jeńimpaz 50 myń dollar alady.
- Bul bizdiń elimizdiń tarıhyndaǵy oqýdy qoldaý salasyndaǵy eń iri marapat bolady, - dep atap ótti Ózbekstan prezıdentiniń baspasóz qyzmeti. https://president.uz/ru/lists/view/9243
Qorytyndy kezeń jyl saıyn prezıdent deńgeıinde ótkiziledi.
2015 jyly BAÁ-de sheıh Muhammed bın Rashıd Ál Maktým bastaǵan «Arab kitap chellendji» baǵdarlamasy úlgi retinde qaraldy. Qysqa merzim ishinde bul bastama álemdegi eń iri bilim berý qozǵalystarynyń birine aınalǵany, 200 mln-nan astam oqyrmandy biriktirgeni atap ótildi.
Eske sala ketsek, buǵan deıin Ózbekstan Senaty kitap oqyǵany úshin sottalǵandardyń jaza merzimin jeńildetý týraly zań jobasyn maquldaǵan bolatyn.
Osyǵan deıin Ózbekstanda kitap oqyǵan sottalǵandardyń jaza merzimi qysqaratynyn jazdyq.
