Ózbekstanda kitap oqý mádenıetin damytýǵa arnalǵan aýqymdy baǵdarlama bastaý aldy
TAShKENT. KAZINFORM – Kórshiles eldiń prezıdenti Shavkat Mırzıeev Ózbekstanda oqý mádenıetin damytý baǵyttalǵan jańa baǵdarlamany iske qosty, dep habarlaıdy Kazinform agenttiginiń Tashkenttegi menshikti tilshisi.
Tashkenttegi Halyqaralyq kongress-ortalyqta bastaý alǵan baǵdarlama «Ulttyq oqý qozǵalysy» dep atalady. Onyń maqsaty - mektep oqýshylary arasynda kitap oqý mádenıetin damytý.
- Men bul baǵdarlamany kitap oqý saıysy ǵana emes, sondaı-aq elimizdiń bolashaǵyna baǵyttalǵan strategııalyq ınvestıtsııa retinde qarastyramyn. Búgin biz balalarǵa sanaǵa serpilis jasaıtyn eńbekterdi oqytsaq, erteń olar jańa Ózbekstannyń keleshegin qurýǵa jumylady, - dedi Shavkat Mırzıeev.
Jyl saıyn uıymdastyrylatyn baǵdarlama aıasynda balalar kitap oqyp saıysady. Onyń qorytyndy kezeńi el prezıdentiniń qatysýymen ótedi. Jarystyń jalpy júlde qory 240 myń dollar. Bul rette jeńimpazǵa 50 myń dollar tabystalady. Oǵan birinshi synyptan 11 synypqa deıingi oqýshylar qatysa alady.
Іs-shara sońynda Shavkat Mırzıeev oqýshylardy, muǵalimder men ata-analardy jańa baǵdarlamaǵa belsendi qatysýǵa shaqyrdy.
Buǵan deıin habarlaǵanymyzlaı, álemge áıgili 1 000 kitap ózbek tiline aýdarylady.
Sonymen qatar Ózbekstanda kóp kitap oqyǵan sheneýnikterge aqshalaı syıaqy berilmek.
Munymen birge Ózbekstanda kitap oqyǵan sottalǵandardyń jaza merzimi qysqarady.
