Ózbekstanda kisi óltirip, 4 jyldan beri qashyp júrgen kúdikti Astanadan ustaldy

Elordalyq polıtseıler jedel aldyn alý sharasy barysynda qylmyskerdi anyqtady, dep habarlaıdy QazAqparat. 

20-21 qyrkúıek aralyǵynda elorda aýmaǵynda aýqymdy jedel izdestirý jumystary júrdi.

Operatsııanyń alǵashqy kúninde-aq Astana qalasy polıtsııa departamentiniń qyzmetkerleri 7 qylmyskerdi ustady.

Sondaı aq, iz-túzsiz joǵalǵan eki azamattyń júrgen jeri belgili boldy.

Osylaısha, elordalyq polıtseıler memleketaralyq izdeýde júrgen 31 jastaǵy Ózbekstan Respýblıkasynyń azamatyn quryqtady.

Ol 2019 jyly Namangan oblysynda kisi óltirgeni úshin izdeýde bolǵan jáne qylmys jasaǵannan keıin Qazaqstan aýmaǵyna ótip, jasyrynǵan.

Er adam Astana polıtsııa departamentiniń ýaqytsha ustaý ızolıatoryna jetkizildi.

Qazirgi ýaqytta Mınsk konventsııasyna sáıkes ekstradıtsııalaý máselesi sheshilip jatyr.